Viajamos a Ruanda para visitar proyectos y asociaciones locales

En el mes de octubre, nuestra coordinadora y compañera Verónica Malda, ha viajado a Ruanda junto a medicusmundi araba, para dar seguimiento a los proyectos y actividades que apoyamos, reunirse con las asociaciones locales con las que trabajamos, apoyar la evaluación de uno de los proyectos en marcha,… Os contamos como ha sido el viaje.

[Read more…]

Emakumeak sarean: Ura eta saneamendua Omoa-n

Hondurasko Omoa munizipalitatean, Cuyamel ibaiaren erdiko arroan, bizi diren 5 komunitatek proposatu zituzten toki-garapenerako ekimenak bultzatzen jarraitu dugu 2018an. Hain zuzen, hiru komunitatetan ura eskuragarri izateko eta beste bitan, berriz, ur-erabilgarritasuna optimizatzeko. Halatan, komunitate horietan hobetu egiten da ur-baliabidea, bai kopuruan bai kalitatean.

[Read more…]

Guatemalako mam komunitate indegenarentzako ur eta sanemandu hornikuntzak burutzeko proiektua

Bilboko udalak 2017an finantzatutako proiektuari esker, Guatemalako ipar-ekialdeko Quetzaltenango departamentuan dagoen Concepción de Chiriquirichapa herriak ur hornikuntza eta saneamendu sistema integrala dauka orain. Gainera bertako biztanleria indigenaren artean baliabode hidrikoen mantentze eta sentsibilizazioaz arduratuko diren lantaldeak ere sortzen ari dira.

Guatemala ura eta saneamendua Chiiriquichapa

Saneamendu sistema egiteko lanak

Proiektu hau bertako Siembra/ANGUADE erakundearekin batera burutzen ari da, biztanleriaren sektorerik ahulenari ur iturri batera sarbidea eta saneamendu sistema egoki batekin hornitzeko helburuarekin.

Guzti hau generoaren bidezko ikuspuntu batetik eta bertako, MaM, Xinca eta Garifuna talde etniko eta linguistikoen komunitateen kulturarekin egokiak diren baliabideekin ari da burutzen.

Proiektu honek, Tuipox komunitateari eta Tzijión, Los Juarez, los Perez eta Los Cabrera baserriei ur sarbide segurua emango die, putzu baten eraikuntzarekin, ura punpatzeko linea batekin eta Hipokloratzaile batekin (Ura edteko egokia izan dadin kimikoak dosifikatzeko bonba). Gainera Toj Xucuwe baserriko biztanleriarentzako saneamendurako estolderia eta tratamendu instalazioak ere eraikitzen ari dira.

Plana ikuspuntu integral batetik ari da burutzen, horregatik komunitateen gaitasun teknikoak ere ari dira indartzen, instalazioen kudeaketarako, udal saila hobetuz eta ingurumen politikak ikuskatzeko gaitasunak sortuz. Herritarrak tresneria eta materialekin hornitu dituzte, eta aldi berean komunitateko pertsonala iturgintzan ere prestatzen ari da. Modu honetan Ingurumenaren Gestiorako Unitatea (UGAM gazteleraz) taldea sortu da. Hau Osasun zentroarekin koordinatuko da, eta Saneamendurako Ikuskapen Taldea ere sortuko da.

Honekin batera, udaleko ingurumen politiken ikuskaritzarako behatoki baten sortzea ari da bultzatzen, genero eta kultura ikuspuntu batekin

Biztanleriaren kontzientzia pizteko helburuarekin, sentsibilizazio ekimenak ere ari dira burutzen: irrati kanpaina bat, ur iturri eta gune hidrikoen baso-berritzea, batik bat. Gainera uraren, saneamenduaren, hondakinen kudeaketaren eta etxeko zein pertsonen higienearen inguruko jardunaldi komunitarioen bitartez, herritarren artean ohitura osasuntsuak bultzatuko dira baita.

Zer0,7 erakundeak medicusmundi bizkaiak KEDan egiten duen lana finantzatzen jarraitzen du

Beste urte batez Zer0,7 elkarteak medicusmundi bizkaiak Kongoko Errepublika Demokratikoan burutzen duen lana finantzatzen jarraituko du. Oraingo honetan, Osakidetza eta Eusko Jaurlaritzako langileek osatutako erakundeak 49.966 euro zuzendu dizkigute, KEDko Biyela osasun eremuan haurren malnutrizioaren alorrean egiten dugun lanarekin jarraitu ahal izateko. Laguntza honi esker, malnutriziotik eratorritako osasun arazoak dituzten 5 urtetik beherako 250 haurrei arreta eta prebentzio zuzena eman ahal izango diegu.

Bestalde, proiektu honen helburuen artean bertako osasun zentroetan lanean dauden pertsonen gaitasunak indartzea eta 4.990 familiengan higieneak eta saneamenduak haurrek pairatzen duten malnutrizioan duen eraginaz ohartaraztea ere da.

medicusmundi bizkaiak hango den BDOM elkartearekin (Kinshasako artxidiozesiko zerbitzu medikua) batera egiten du lan 2004 urtetik. Hemen aurkezten dizuegun egitasmoa 2018an zehar egingo da, bertako 5.267 pertsonei arreta medikua erraztuz; eta haurrentzako oso larriak izan daitezkeen paludismoa, anemia, sukar tifoidea edo beheranzkoa bezalako gaixotasunak saihesteko erraztasunak emanez.

Egitasmoa maila ezberdinetan burutuko da: komunitate mailan, sentsibilizazioa helburu duten ekintzekin, prebentzioan, sintomen antzematean eta malnutrizio arazoen jarraipenean; eta osasun zentro eta ospitaleetan, arreta egokia ziurtatuz, batez ere konplexuak diren kasuetan.

KEDan malnutrizioa sahiestu eta osatzeko aurkeztu dugun proiektua aurkezten dizuegu

medicusmundi bizkaiak Kongoko EDko Biyela eskualdeko haurrek bizi dituzten malnutrizio arazoak saihestu eta osatzeko proiektua aurkeztu du. 

 

Beste urte batez, medicusmundi bizkaia Eusko Jaurlaritza eta Osakidetzako langileek bultzatzen duten Zer0,7 erakundearen laguntza deialdira aurkeztu da. Orain erakundeko arduradunek gure proiektua bozkatu behar dute proiektua aurrera atera dadin.

Aurten aurkeztutako proiektuaren helburua, Kongoko Errepublika Demokratikoko Biyela eskualdeko malnutrizio zorrotzaren ondorioz eratorritako arazoak aurreikustea eta gaixorik dauden haurren zaintza da. Parte hartze honetan Malnutrizio Zorrotzeko Osasun Arreta (PCIMA) estrategia baliatuko dugu.

Burutuko diren ekintzek malnutrizio kasuen sentsibilizazio, ardura, antzemate eta jarraipena izango dute ardatz gisa. Honen bitartez elikatze unitateetan ospitaleratuta dauden 250 haurrei arreta zuzena eman ahal izango zaie.

Proiektua bertako BDOM erakundearekin batera burutuko da. Organizazio honek eskualdeko biztanleen maila sozio-sanitarioak hobetzeko helburua du, komunitate, osasun zentro eta ospitale mailan lan eginez.

Gaur egun dagoen higiene eta malnutrizio egoerak haurren osasunerako arrisku garrantzitsua suposatzen du KRDan

Osasun zentroetan egingo diren higiene eta saneamendu hobekuntzez gain, bertako emakumeen sentsibilizazio lanak ere burutuko dira, garbitasun ezak eragin ditzakeen arazoez ohartarazteko.

medicusmundi bizkaiak 2000. urtetik darama Zer0,7 erakundearekin batera garapen proiektuak eta proiektuak garatzen. 2016 urtean 800 haur eta haurdun zeuden 60 emakumeri laguntza eman genien, Biyela eskualdean. 2015ean jatorri hidrikoa duten gaixotasunak saihesteko lanak egin genituen, Nselo eskualdean, eta 2013an sexu biolentzia jasan zuten emakumeei laguntza eman genien.

Urriak 14, ikus-osasunaren aldeko eskubidearen alde

Hurrengo urriaren 14an Ikusmenaren Nazioarteko Eguna ospatzen da eta, horregatik, medicusmundiren eta General Ópticaren arteko kolaborazioa gogoratzea nahi dugu.

1998tik medicusmundi bizkaian General Ópticaren babesa izan dugu Brasilgo, Tanzaniako eta Honduraseko ikusmen osasuneko proiektuak garatzeko.

Gainera, 2010etik eta gaur egunera arte, kontsultategi oftalmologiko baten alde egiten ari da Coatepequen, Guatemalan, Hermanas de San Jose elkartearkein. medicusmundiren eta General Opticaren arteko erlazioa finkatuta dago jada. Izan ere, José Martínezek, General Ópticako Marketing Zuzendariak, Guatemala bisitatzeko aukera izan zuen, non osasunaren aldeko eskubidearen, higieneraren eta urako sarbidearen baldintzen garrantzia ikusteko aukera izan baitzuen.

Medicusmundi eta Nseloko osasun guneko laguntza proiektua

noticia-rdc-1-225x300Prevención de las enfermedades de origen hídrico a través del apoyo a la mejora de la situación de acceso al agua, la higiene y el saneamiento en la zona de salud de Nselo izeneko proiektua, Kongoko errepublika Demokratikoan Osakidetzako %0,7 Solidaritate Funtsaren finantziazioarekin aurrera eramaten ari dena, bi komunitateetako ura, higiene eta saneamendu egoera babesten du, jatorri hidrikoko gaixotasunak saihesteko helburuarekin. Nseloko osasun guneko biztanleriak aurrera eramandako ekimena da hau, “Ami Wash Campeón” ikuspuntu batetik eta genero perspektibaren integrazioa kontuan hartuz. Horrez gain, proiektu hau medicusmundi bizkaiaren babesa du eta Cepromor GKE lokalak aurrera eramaten du, Nseloko BCZSren (Osasun Guneko Bulego Zentrala) kolaborazioarekin.

Proiektuak komunitateko hiru oinarriak lantzen ditu. Eskola, osasun gunea eta herria. 2016ko urtarrilean hasi da eta abenduan amaituko da. Horrez gain, mmbko taldeak bisita bat egiteko aukera izan du lurraldera egindako bidaian.

Denboraldi honetan BCZS eta Kilaluko Osasun Zentroko pertsonal mailan formazioak egin dira, gaixotasunak saihestea, osasuna bultzatzea eta informazio sanitarioaren kudeaketa helburu dutenak. Gainera, lotura komutarioen bidez (RECO) irakasleen eta komunitatearen formakuntza hasi egin da, gaixotasun hidrikoen kontrako borroka alderdiak integratuz, eta higienearen eta saneamenduaren aldeko ekintzak abian jarriz, esaterako, eskuen garbiketa, edateko urako kontsumoa, komunen erabilera, eta abar.

Pertsona hauek “Amish Wash” ikuspuntua ezagutu behar dute eta berarekin inplikatu behar dira bere iraunkortasuna bermatzeko, baina, horrez gain, beharrezkoa da baita ere erreferentzia tekniko bat proiektuaren arrakasta komunitatearen inplikazioaren bitartez lortu ahal izateko.

Amaitzeko, ur batzordeak eta higiene klubak komunitatean eta eskolan martxan jarri dira ur eta saneamendu eta obren mantentze eta kudeaketa mailan, proiektuaren bigarren denboraldi honetan eraikiko direnak.

HONDURAS: HIDROELEKTRIKAK HONDURASEN

Aurreko komunikatuan ingurumen aktibista zen Berta Cáceresen erailketari buruz aritu ginen. Izan ere, Lenca lurraldeko ibai batean presa hidroelektrikoa eraikitzearen aurkako borrokan buru izateagatik erail zuten. Zoritxarrez, botere publikoek ez dute jarrera erabakikorra gertakari edo kasu hau argitzeko; horrela,  ekimen popularrak oztopatu dituzte eta enpresa hidroelektrikoaren eta beraien finantziazio “aliatuak” diren banku europarren aldeko bizikidetza sustatuz.   Finantziaziorako erakunde hauek enpresaren inbertsioan lagundu dute, gertakaria argitzeko eta ibai guneko obrekin amaitzeko mugimendu sozialek egindako eskaerei so egin gabe.

Hala ere, hau ez da herrialdean oharkabean igaro den egikaritza; egun, Cuyamel-en, medicusmundi bizkaiako bulegoa dagoen herrian, kapital transnazionalak Honduraseko baliabide eta ondasunetan jarri du arreta. Eta ez da kasualitatea.  Hondurasek aberastasun natural ugariko herrialdea da; hala nola, petroleoa, mineralak, lurra keta ura ditu. Politika neoliberalak ezarri zirenetik salgai ipini ziren baliabide horiek guztiak, gobernuaren oniritziaz enpresa multinazionalek eta nazio mailako talde ekonomiko handiek ustia ditzaten.

Populazioak beharrezkoa ikusi du baliabideetako bat babestea: Ura. Izan ere, mehatxupean dago ustezko garapen energetiko batengatik. Horrela, ibaientzako kartzelak bilakatu dira presa hidroelektrikoak.

Bestalde, Cuyamel-eko komunitatea, Omoa-n, Cortés, bertako ibaian ezarri nahi duten presaren aurkako borrokan aurrera pausoak ematen ari dira.  Ekintza desberdinen ostean, komunitateak Omoako udal koorporazioa derrigortu du borroka horretara gehitzeko; izan ere, 2013.urtean Kongresu Nazionalak baiezkoa eman zion Generadora Cuyamel S.A. enpresari Cuyameleko zentral hidroelektrikoa eraikitzeko, Cortés departamenduan.

Ura eta Saneamendua Kamonyi Barrutian

Erdialdeko Afrikan dagoen herrialde bat da Ruanda. Klima epela du, publiometria egokia da eta haranetatik zenbait ur-bide igarotzen dira.  Ingurune horretan dago Kamonyi Barrutia; herrialdeko 30 barrutietako bat da, eta medicusmundi arabak eta bizkaiak han egiten dute lan urari, higieneari eta saneamenduari dagokienez.

[Read more…]

2014ko Laburpenak: Guatemala

Guatemala:

Hondurasetik gertu, alboko herrialdean, Guatemalan, Nuevos Horizontes edo ASECSA bezalako Gobernuz Kanpoko Erakundeekin eramaten da aurrera elkarlana, Azken honek arlo indigenan lan egiten du, ipar.mendebaldean bereziki, natiboen herrixka mordoa elkarbizitzen duten oihaneko gune erraldoian. Bertan, emagin tradizionalen lana berreskuratzeko ahaleginak egin dira, belaunaldi berriei teknika zaharrak erakutsiz, denborak irentsi ez dezan. Era berean, amalurraren egoera eta ingurugiroaren mantentzea eta zainketa berebiziko garrantzia dauka medicusmundi Bizkaiaren planteamenduan, kontuan izanda Guatemala oso herrialde aberatsa dela arlo mineralean zein naturalean, eta hortaz, transnazional edo multinazional askok sekulako espoliazioa burutzen dute. Horren kontra ere aritzen dira erakundeko kideak.

Desarrollismo itogarri eta suntsikorraren ikur diren multinazionalen kontrako borroka ardatz bihurtu da medicusmundi Bizkaiaren agendan. Quetzaltenangon ere. Ingurugiroanren babesa, habitat ezberdinen mantentzea, aipatutako “Amalurra” behar den moduan zaintzea helburua nagusi bihurtu da, bertan burutzen ari diren bestelako proiektuak, hala nola ur eta higienearen estrukturen hobekuntza, edota emakumeen ahalduntze prozesuak, era egokian garatu ahal izateko, azken finean, inguruak, lurrak, sekulako garrantzia duelako herrixka guatemaldar hauentzako biztanleentzat.