2014ko laburpenak: Ruanda

Ruanda:

Pasa den urteko laburpenarekin jarraituz, lupa Ruandan jarriko dugu orain, medicusmundi Bizkaiak bere lana garatzen duen beste herrialdeetako baten. Kasu honetan, proiektua Kamonyi deitutako barrutian eramaten da aurrera. Erakundeak 1967tik darama barruti horretan lanean etenik gabe.

Ruandaren kasuan, higiene komunitarioaren arloan egindako lanaz gain, oso deigarria da soziologikoki bultzatutako aldaketa. Izatez, herrialde afrikarreko komunitateak lan disziplinen edo bestelako giza ordenamenduen arabera antolatzen dira, bakoitza bere aldetik, haien arteko hartuemana oso txikia delarik. Hilabete hauetan egindako esfortsuari esker, apurka-apurka egoerari buelta ematen joan zaio, kolektibitateak indartuz joan dira, eta talde sena zabaldu egin da, uraren eta saneamenduen inguruan nolabaiteko kontzientzia eta antolakuntza kolektiboa ezarriz.

Bide horretan, zenbait nekazari eta abeltzainek indarrak batu eta lan kooperatibak sortu dituzte, denborarekin kolektiboaren erreferente bihurtu direnak. Kolektibo edo talde hauek elikagaien segurtasuna eta subirautza bermatzea dute helburu nagusia. Horretarako, lankidetza eta elkartasuna da daukaten armarik eraginkorrena.

Era berean, artisautza tradizionaleko zenbait talde ere abian dira. Kasu honetan, talde hauek emakumeez daude osatuta ia bere osotasunean, eta beste kasu guztietan bezala, eskulangintzaren arloan egiten diren produktuetaz gain, hauen ahalduntzea eta indartzea da oinarri nagusia.

2014ko laburpenak: Kongo ED

2014a amaitu berri, urteko lehen aste hauek iaz egindako lanaren hausnarketa, balorazioa eta balantzeak egiteko erabili ohi dira. Gurean, medicusmundi Bizkaian, ez gara gutxiago izango. Begirada atzera bota eta munduan zehar (Ruanda, Guatemala, Honduras, Kongoko ED) dauzkagun proiektuen inguruan hausnarketa txikia egingo dugu.

Proiektuei buruz egingo diren errepasoetaz gain, laburpen honek irakurleari medicusmundi Bizkaiak, eta bereziki gurekin lan egiten duten bolondresek, herrialde ezberdinetan burutzen duten lanaren garrantzia azpimarratzea du helburu, eta bide batez, herrialde horien eta haien soziologiaren irudi edo “argazki” argigarria helaraztea. Kontuan hartu behar da herrialde hauen errealitatea oso ezberdina dela, bai haien artekoa eta baita guk ezagutzen dugun mendebaldeko munduarekikoa, eta hortaz, medicusmundi Bizkaiarekin lan egiten duten profesionalen lana ingurura egokitu behar da, kasurik kasu.

Kongoko Errepublika Demokratikoa

Medicusmundi Bizkaiak afrikako herrialdean burutzen ari den proiektu soziosanitario ezberdinei erreparatu baino lehen, Kongoko egoeraren inguruko zenbait azalpen zuenganatzea da egokiena, erakundeak bertan burutzen duen lana egokiago ulertzeko. Kongoko ED herrialde erraldoia da, iparraldetik hegoaldera 3.500 bat kilometro hartzen dituelarik. Hori dela eta, herrialde beraren baitan ezberdintasun handiak daude toki batetik bestera. Argiena, ekialde eta mendebaldearen artean ematen dena. Kinshasan, hiriburuan, hartzen diren zenbait erabaki ekonomiko, soziologiko edota politikoak asteak, hilabeteak ematen dute herrialdearen bestaldera iristen, eta askotan, lege hauek betearazteko erramintak ez dauka agintean dagoen Gobernuak. Era berean, Ruanda inguruan ezegonkortasun politiko eta militarra izugarria da, gerrila txikiak haien artean izugarrizko lizkarrak izaten dituztelarik.

Medicusmundi Bizkaiak bere lana, ordea, Kinshasa inguruan burutzen du, hego-mendebaldean, Masa eta Sona Batako probintzietan, egoera “lasaiagoa” edo “bareagoa” den tokietan, kontzeptu hauek Afrikan nahiko malguak direla jakinda. Bide horretan, erakundetik osasun sistema publiko eta unibertsala bultzatzen jarraitu da, bertoko osasun pertsonalaren ahalmenak indartuz eta hobetuz.

Bestalde, pasatako hilabete hauetan zehar herrixka ezberdinen ur, higiene eta saneamendu zerbitzuen estrukturen hobekuntzan eta eraikuntzan aritu dira medicusmundi Bizkaiko profesionalak, gaixotasun ezberdinen agerpena ekiditzeko asmoarekin, hauek sorrarazten dituen arrisku faktore nagusia errotik moztuz. Proiektu hauek, era berean, lan komunitarioaren eta bertoko biztanleen ahalduntzea bilatzen duen filosofiarekin aurrera eraman dira, berezko natiboak euren garapenaren eta lanen arduradun eginez.

Ugalketa eta sexu arloan ematen diren urraketei aurre egitea, eta afrikar emakumeak ahalduntzea ere medicusmundi Bizkaia beste oinarrietako bat da Kongo Edn. Helburu horrekin, sentsibilizazio kanpaina ezberdinak jarri dira martxan, Kongoko emakumeek jasaten dituzten bortizkeria ezberdinak salatzeko asmoz. Biolentzia horien baitan, ikusgarriena, fisikoa dago, noski, baina baita psikologikoa, alfabetikoa (afrikako emakume gehienek ez dakite irakurtzen ezta idazten ere), juridikoa, edo politikoa (Afrikan, Latinoamerikan ez bezala, egoerak bere horretan darrai aldaketa barik, eta emakumeek ezer gutxi daukate esateko politikaren arloan. Oso gutxi dira taldearen edo komunitatearen erabaki garrantzitsuetan parte hartzen dutenak).

Uraren Nazioarteko eskubidea

Ura bizitzaren funtsa da. XXI. mende honetan, edateko ura eta saneamendua bizitza eta osasunerako ezinbestekoak dira, eta funtsezkoak pertsona guztien duintasunerako. [Read more…]

“Kooperatiben bitartez, emakumeek euren botere ekonomiko, pertsonal eta familiarra indartzen dute, eta etxeetan duten malnutrizioari aurre egiteko aukera dute”

Ruanda, Afrika Beltzean kokatzen da, eta oso garapen ekonomiko eta sozial ahula du.  Ondorioz, biztanleek alfabetatze-maila txikia dute, nekazaritza bizirauteko modukoa da, bertakoak oso txiroak dira eta azpiegitura ekonomiko eta sozio-sanitarioak oso urriak dira.  Herrialde menditsua da eta, horregatik mila mendixken herria deitzen dute.  Demografia-dentsitate handia izateaz gain, biztanleen sakabanaketa ere oso handia da, eta, beraz, pertsonek zailtasun handiak dituzte azpiegiturak eta zerbitzu sozio-sanitarioak eskuratzeko.  Hainbat arazok dute eragina herritarren osasunean, esaterako, edateko urik ez edukitzeak, higiene gabeziagatik sortutako eritasunek, malariak eta desnutrizioak.

[Read more…]

“Dukora Tujy´Imbere”, Ruandako kokapen soziala, ekonomikoa eta Giza Eskubideen aitorpena indartzeko proiektua, non, emakumez osatutako 7 kooperatibek parte hartzen baitute

Zortzi urte pasa dira jada Ruanda bezalako herrialde baten garapen mailaren inguruko kontzientzia soziala sortu zenetik. Eskualde menditsua da, baina oso jendetsua baita ere. Hori dela eta, herritarren sakabanatzeak pertsona normal baten beharretara heltzea oztopatzen du. Gainera, Afrikako eskualde hau errausten duten arazoak, hau da, edateko uraren falta, higiene-falta dela eta sortutako gaixotasunak, malaria eta desnutrizioa, gero eta pobrezia gehiago sortzen dabiltzate. [Read more…]

El derecho al agua en todos los lugares del planeta y para todas las personas

En el año 2010, Naciones Unidas declaró explícitamente que el derecho de acceso a agua y saneamiento es un derecho humano. Así, asumía la responsabilidad de la comunidad internacional y los gobiernos de garantizar un acceso a agua suficiente, saludable, aceptable, físicamente accesible y económicamente asequible.

[Read more…]

“Komunitateak komunak eta ur-hornidura sistema eraikitzen parte hartuz duenez, egindako ahalegina balora dezakete”

Bilboko Virginia Alonso de Linajek, 26 urteko geologoak, eta Ana Matienzok, 30 urteko kimika eta ingurumen ingeniariak, udan Puerto Cortesen (Honduras) ur hornidurarako eta saneamendurako proiektu batean parte hartu dute. medicusmundi bizkaiak eta hango Udalak gauzatu dute aipatutako proiektu hori.  Eusko Jaurlaritzaren Euskadiko Gazteak Lankidetzan Programari esker, herrialdea ezagutzeko eta uraren kudeaketa hobetzen laguntzeko aukera izan zuten, baita ingurumena zaindu eta babesten laguntzeko ere.

[Read more…]

Ura eta zinema. Tanta bat, mundu bat, eskubide bat

2010ean, Nazio Batuek adierazi zuten edateko ura eta saneamendua izatea giza eskubi bat dela. Eskubide hori pertsona guztiek izan dezaten, ezinbestekoa da ura ondasun publikotzat, sozialtzat eta kulturaltzat hartzea; azken finean, salgai izateari uztea eta beste giza eskubide batzuei lotzea, hala nola bizitzarako, osasunerako, garapenerako eta hezkuntzarako eskubideei.

“TANTA BAT, MUNDU BAT, ESKUBIDE BAT” Kanpaina honen bidez, eskubide hori munduko leku guztietan benetan bete dadila eskatzen dugu, eta horrela, bat egiten dugu Nazio Batuen Batzar Nagusiak 2013a Uraren Esparruko Lankidetzaren Nazioarteko Urtea izendatzearekin.

Aste honetan, ekintza guztien artean “Ura eta zinema” nabarmentzen dugu. Honako filmeak proiektatuko dira:

Urriak 29: Emakumeen iturria (Radu Mihaileanu, 2011), El Carmen aretoan (Indautxu Plaza), 19.45

Urriak 31: Mundua egarri (Yann Arthus-Bertrand, 2012), El Carmen aretoan (Indautxu Plaza), 19.45

Proiekzioen ostean mahai-inguruak egingo dira.

Azaroarean 15etik 22ra: Zinebi Nazioarteko Zinemaldiarekin lankidetza berezia (informazio gehiago Zinebi 2013 programazioan)

Parteartzaikeak: Acnur Euskal Batzordea, ADECO, ANESVAD, Área de Igualdad Cooperación y Ciudadanía, Coordinadora de ONGD Euskadi, Consorcio de Aguas Bilbao Bizkaia, EDUCO, Emaús Fundación Social, FISC, Huancavelicaren Lagungak, Ingeniería para la Cooperación-Lankidetzarako Ingeniaritza, Intermon Oxfam, Manos Unidas, medicusmundi bizkaia, Remar, Nazioarteko Elkartasuna – Solidaridad Internacional, Unesco Etxea eta Unicef.

Kolaboratzaileak: Asociación de comerciantes del Casco Viejo, CineClub Fas, Metro Bilbao, ZINEBI 2013