Osasunetik sexu-eta genero-aniztasuna patologia bihurtzen ditugunean

Sexualitateak eta arauaz kanpoko generoak patologia bihurtzea osasunaren arloko profesionalen artean zilegitzat jotzen den indarkeria da oraindik ere. LGTBI+ pertsona askok diagnostikoa jasotzen dute eta gaixo gisa tratatzen zaie, estigmen arabera eta pertsona gisa txikituta. Ondorioz, giza duintasuna eta aitorpen soziala kentzen zaie.

[Read more…]

Geure buruak askatzeko ilustrazioak

Analfabetismoa nagusi den tokietan, hala nola Guatemalan, ilustrazioek idatzizko hitzari laguntzen diote edo hura ordezkatzen dute. laCuerda aldizkari feministan argazkiak, margolanak, grabatuak, grafitiak, collageak zein formatu teknologikoak argitaratu ditugu emantzipazio-mezuak helarazteko.

[Read more…]

Iurretako Udalak hondurasen Lenca etniarekin egiten dugun lana finantzatuko du

Herrialde txirotuen garapena lortzeko eta baldintza sozialak hobetzeko interes handiena duen proiektua bezala aukeratua, Iurretako Udalak 4.953,16 euroko diru-laguntzarekin finantzatuko du medicusmundi bizkaiak Hondurasen garatzen duen proiektua.

“LENCA ETNIAREN HEZKUNTZA ELKARTEKO GAITASUNAK HOBETZEN HAURDUNTZA GOIZTIARREN PROBLEMATIKAKO PARTE-HARTZE AKTIBOAN – HONDURAS” izenpean, proiektu honen helburu nagusia Intibuca etxaldeko Lenca etniako nerabeen haurdunaldiak murriztea da.

Horretarako, ASODOC (Hondurasko Mendebaldeko Garapeneko Elkartea) eta AMIR (Intibuca Emakume berrituen elkartea) tokiko erakundeak, Intibuca udalerriko hezkuntza-establezimenduetako irakasleekin lan egingo dute, Osasun Ministerioarekin koordinatuta, nerabeei zuzendutako sexu-hezkuntzako programa aktibo batean parte hartuz.

Genero ikuspegia duen proiektua da eta lankidetza, osasuna eta emakumeen eta gizonen arteko berdintasunaren sustapenean kokatuta dago. Sexu bietako gazte eta nerabeei eta beraien aita eta amari zuzendua dago eta osasunaren parte-hartze sozialaren indartzea eta haurdun dauden nerabeen arazoen inguruko sentsibilizazioa helburu gisa adierazten ditu, bere murrizketa laguntzeko.

Kalkulatu denez, proiektuaren kostu osoa 9.299,92 eurokoa da. Iurretako Udalari %53,30a eskatu zaio, hau da, 4.953,16 €; tokiko elkarteak % 36.90ko ekarpena egingo duelarik eta GKE-ak %9,80a.

medicusmundi bizkaiak afrikan osasun eskubidearen aldeko konpromisoa berresten du

Gaur, maitzak 26 Afrikako eguna da, eta horregatik medicusmundi bizkaian Sexu eta Ugalketa Eskubidearekin, genero biolentziako biktimei laguntzarekin eta osasunera sarbidearen inguruan, Kongoko Errepublika Demokratikoan garatzen ditugun zenbait proiekturen emaitzak aurkeztu nahi ditugu 

Sensibilización sobre la lucha contra las VSBG

Genero biolentziaren aurkako sentsibilizazio saio bat

Alde batetik, generoan oinarritutako sexu biolentziaren biktimei arreta emateko plan bat eta sendagaien kudeaketa egokirako plan bat burutu dugu, Kinshsasako Ngaba osasun esparruan. Bestalde, Sexu eta Ugalketa Eskubideak bultzatu eta babesteko proiektu bat garatu dugu, Kasangulu lurraldean, Erdialdeko Kongo probintzian.

Osasun zentroetara joaten diren sexu biolentziaren biktimek kasu askotan ez dute arreta mediku egokia jasotzen, eta kasurik okerrenetan ez dute inolako arreta jasotzen. Gainera, hiesa edo sexu harremanen bidez igortzen diren beste gaixotasun batzuk saihesteko hartu behar dituzten sendagaiek ez dute behar adina berme, prozesuetan eta hornikuntzan dauden kudeaketa eskasaren ondorioz.

Proiektu honen bitartez, Ngabako osasun zentroaren administrazio bulegoko instalazioak hobetu ditugu. Gainera, bertako langileen sendagaiak kudeatzeko gaitasunak indartu ditugu, eta sexu biolentziaren biktimei arreta egokia emateko, beraien intimitatea  eta duintasuna babesteko tresneria eta akonpainamendua ere eman diegu.

Honekin batera, komunitateetan genero biolentziaren aurka borrokatzeko, boluntarioek 565 saio egin dituzte; sexu biolentzia, sexu harremanez igorritako gaixotasunak edo kondoiaren erabilera bezalako gaiak jorratuz.

Sensibilización sobre la lucha contra las VSBG

Genero biolentziaren biktimak beraien diru-iturriak sortzeko trebakuntzak ere egin ditugu

Erdialdeko Kongoko probintzian, Kasangulu lurraldean, sozietate zibila mobilizatzeko proiektuak burutu ditugu, Masa komunitate eta agintarien artean, genero biolentziaren aurkako estrategia bat martxan jartzeko. Prozesu hau irrati saioak edo gizartea mobilizatzeko sesioen bitartez gauzatu da. Ekimen honen bitartez, genero biolentziaren 18 biktima trebatu ahal izan ditugu, diru-iturriak diren jarduerak hasi eta kudeatu ditzaten.

medicusmundi bizkaian pertsona guztien osasun eskubidea bermatzeko egiten dugu lan, batez ere biztanleriaren esparru ahulenetan. Horregatik, 50 urte igaro eta gero, Afrikarekin daukagun konpromisoa mantentzen dugu, giza eskubideak eta osasunaren indartzea dakarten proiektuak jorratzen jarraitzen dugu

Jai giroa Santurtzitik Bilbora herri lasteketan

Parte hartze masiboa, giro ona eta bizimodu osasuntsua gailendu ziren Santurtzitik Bilbora herri lasterketaren XXIX. aldian. Bigarren urtez jarraian, medicusmundi bizkaia ere bertan izan ginen, haibat boluntarioen laguntzari esker antolatzen den lasterketa honi izaera solidarioa gehituz.

Aurten, izen emate bakoitzeko euro bat  medicusmundi bizkaiarentzat izango da, Kongoko Errepublika Demokratikoan garatzen ditugun proiektuak finantzatzeko. Batzen den dirua, nerabe eta gazteekin egiten dugun Sexu eta Ugalketa Eskubideen alorreko lanaera bideratuko dugu.

Lan honen azken helburua, sexu bortizkeria, transmisio sexualeko gaixotasunak eta haurdunaldi goiztiarrak eragoztea da, modu honetan emakume gazteek beraien egoera sozio-ekonomikoa hobetzeko aukera izan dezaten, herrialdearen garapenaren partaide izan daitezen.

Hemen aurkitu dezakezu diruak finantzatuko dituen proiektuei buruzko informazio gehiago.

Gernikako udaletxeak Guatemalan berdintasun proiektuak finantzatuko ditu

Gernika-Lumoko udaletxeak, Guatemalako ASOGEN erakundeak burutzen duen proiektuari laguntza emango dio, sexu indarkeriaren biktima izan diren nerabeen eskubideak defendatzen dituen proiektua babestuz, medeicusmudi bizkaia erakundearen bitartekaritzarekin.

Proiektu honekin sexu indarkeria jasan duten 12 eta 17 urte bitarteko 33 nerabeei arreta osoa eskainiko zaie. Kolaborazio honi esker, nerabeek osasun arreta eta laguntza psikologikoa jaso ahal izango dute, epaiketa kasuetan ere aholkularitza eta laguntza jasoz. Gainera epe luzean testuinguru berrietan bere bizitza garatzeko tresnak ere emango zaizkie.

Nerabeek Chimaltenango CAIMUS (Emakumeentzako Arreta Okoso Zentroa) gunean babes osoa jaso ahal izango dute. Beraien bizitza arriskuan dagoen eta familiaren babesa ez duten nerabeen kasuetan, zentroan bertan denbora baterako hostauta ere emango zaie.

 

 

 

Guatemala Gernika ASOGEN

 

Nire amesgaiztoetako lodia

Emakumeoi ezartzen dizkiguten edertasun-kanonek banaka konpondu ezin diren zenbait arazo sortzen dituzte, eta horiek errazten dituzten gizarte-egiturak ulertuz eta salatuz baino ezingo ditugu ebatzi.

[Read more…]

Emakumeenganako indarkeria Guatemalan (ere)

Joan den urrian, Faktoria Lilaren laguntzaz, Guatemalan egindako bideoa aurkeztu nahi dugu. “Emakumeenganako indarkeria Guatemalan (ere)” lelopean, indarkeria matxistak eta honen inguruan Guatemalako egoera aztertu nahi dugu. Hauen kausak eta ondorioak kontutan hartuz.

[Read more…]

Indarkeria matxistaren kontrako bertsoak

Joan den abenduaren 16an, “Bertsoz-Bertso Indarkeria Matxistei Aurre” bertso-saioa antolatu genuen Durangoko Plateruenan, Durangoaldeko Bertso Eskolako kolaborazioarekin.

Ekimen honekin indarkeria matxistaren manifestazio desberdinak salatu nahi dira, bai Durangon, baita Guatemala eta Ruanda bezalako herrialdeetan. Horretarako, Andereak, Bilgune Feminista, Sorgiñola eta Berbaro bezalako elkarte durangotarren laguntza izan genuen.

Gainera, nabarmendu behar da Alaia Martín, Nerea Elustondo eta Miren Artetxe gurekin egon zeudela kalitate handiko bertsoak botatzen, bertsolarismo femeninoaren aitzindaritzat hartzen den Cristina Mardarasekin batera.

Eta, azkenik, eskerrik asko gurekin egon ziren pertsona guztiei, espero dugu mota honetako ekimenak berriz egiteko aukera izatea!

Indarkeria matxisten kontrako bertsoak Durangon

Hurrengo ostiralean, abenduak 16, arratsaldeko 20etan, medicusmundi bizkaia GGKE-k, Durangoko Udalarekin batera “Bertsoz-Bertso Indarkeria Matxistei Aurre” izeneko bertso-saioa aurkeztuko dute, Durangoaldeko Bertso Eskolarekin kolaboratuz, Durangoko Plateruenan (Durangoko Kafe Antzokia, Landako Hiribidea, 4A).

Ekimen honen bitartez indarkeria matxistaren manifestazio desberdinak salatu nahi dira,  estereotipo menderatzaileekin apurtuz, bai Durangon, baita Guatemala eta Ruanda bezalako herrialdeetan. Emanaldiaren diseinurako eta landu egingo diren gaietarako Durangoko elkarte hauen laguntza izan dugu: Andereak, Bilgune Feminista, Sorgiñola eta Berbaro. Alaia Martín, Nerea Elustondo eta Miren Artetxe bertsolariak izango dira emanaldian parte hartuko dutenak. Bestalde, Erika Lagoma izango da bertsoen gai-jartzailea. Eta, horrez gain, Durangoaldeko Bertso Eskolako zenbait gazteek parte hartuko dute.

Sarrerak 3 euroko prezioa izango dute, emanaldia eta lunch-a barne (pintxoak eta edandakoak) eta Plateruenan, Andragunean eta Durangoaldeko Bertso Eskolan erosteko aukera egongo da.