Implementación del Plan de Acción Proequidad de Género en Honduras

Durante 2019 medicusmundi Bizkaia continuamos implementando el Plan de Acción Proequidad de Género de la organización. Ello contempla acciones tanto en Bizkaia como en los países en los que trabajamos. Así pues, en el mes de agosto, la consultora Sonia Carrasco Fernández ha viajado a Honduras, con el objetivo de implementar dicho Plan.

[Read more…]

Giza laguntza Omoa udalerrirako

Getxoko Udalak 11.966€-ko diru-laguntza medicusmundi Bizkaia erakundeari ematea onartu du, Honduraseko Omoa udalerrian giza laguntzako proiektu bat aurrera eramateko, etengabeko uholdeak pairatzen dituzten inguruko herritarrak artatzeko.

[Read more…]

“LA SANIDAD EN SHOCK. Negociando con la salud” dokumentala

“LA SANIDAD EN SHOCK. Negociando con la salud” dokumentalak osasunerako sarbidearen egoeraren inguruko gogoeta planteatzen du. Osasuna baldintzatzen duten determinatzaileak osasun zerbitzuetatik haratago doazela eta faktore ezberdinek nola eragiten duten gure bizitza kalitatean, hain zuzen ere.

[Read more…]

Emakumeak sarean: Ura eta saneamendua Omoa-n

Hondurasko Omoa munizipalitatean, Cuyamel ibaiaren erdiko arroan, bizi diren 5 komunitatek proposatu zituzten toki-garapenerako ekimenak bultzatzen jarraitu dugu 2018an. Hain zuzen, hiru komunitatetan ura eskuragarri izateko eta beste bitan, berriz, ur-erabilgarritasuna optimizatzeko. Halatan, komunitate horietan hobetu egiten da ur-baliabidea, bai kopuruan bai kalitatean.

[Read more…]

Iurretako Udalak hondurasen Lenca etniarekin egiten dugun lana finantzatuko du

Herrialde txirotuen garapena lortzeko eta baldintza sozialak hobetzeko interes handiena duen proiektua bezala aukeratua, Iurretako Udalak 4.953,16 euroko diru-laguntzarekin finantzatuko du medicusmundi bizkaiak Hondurasen garatzen duen proiektua.

“LENCA ETNIAREN HEZKUNTZA ELKARTEKO GAITASUNAK HOBETZEN HAURDUNTZA GOIZTIARREN PROBLEMATIKAKO PARTE-HARTZE AKTIBOAN – HONDURAS” izenpean, proiektu honen helburu nagusia Intibuca etxaldeko Lenca etniako nerabeen haurdunaldiak murriztea da.

Horretarako, ASODOC (Hondurasko Mendebaldeko Garapeneko Elkartea) eta AMIR (Intibuca Emakume berrituen elkartea) tokiko erakundeak, Intibuca udalerriko hezkuntza-establezimenduetako irakasleekin lan egingo dute, Osasun Ministerioarekin koordinatuta, nerabeei zuzendutako sexu-hezkuntzako programa aktibo batean parte hartuz.

Genero ikuspegia duen proiektua da eta lankidetza, osasuna eta emakumeen eta gizonen arteko berdintasunaren sustapenean kokatuta dago. Sexu bietako gazte eta nerabeei eta beraien aita eta amari zuzendua dago eta osasunaren parte-hartze sozialaren indartzea eta haurdun dauden nerabeen arazoen inguruko sentsibilizazioa helburu gisa adierazten ditu, bere murrizketa laguntzeko.

Kalkulatu denez, proiektuaren kostu osoa 9.299,92 eurokoa da. Iurretako Udalari %53,30a eskatu zaio, hau da, 4.953,16 €; tokiko elkarteak % 36.90ko ekarpena egingo duelarik eta GKE-ak %9,80a.

Genero ikuspegiaren eransketa Omoako erakunde publikoetan

medicusmundi bizkaian Omoako (Honduras) udalarekin elkarlanean jarraitzen dugu, erakundeetan genero ikuspegia eransteko prozesuan. 2016an egin genuen generoaren inguruko lehen diagnostikoan gizon eta emakumeen artean udal egitura eta sailetan dagoen bereizketa azaleratu zen.

Diagnostikoa egin eta gero, generorako politika instituzionala landu zen, eta hurrengo hilabeteetan Genero Plan Orokorra inplementatuko da, honek udalaren garapena bultzatuko du, genero eta berdintasun ikuspuntutik. Proiektu hau Bizkaiko Foru Aldundiak finantzatuta dago eta EICA (Erdialdeko Amerikako Ikerketak eta Azterketak) kontsultarien laguntza dauka.

“Genero ikuspuntutik Omoako Kontserbazio Taldea (CCO) GGKEaren eta Omoako udalerriaren diagnostikoaren” bitartez medicusmundi bizkaiak Omoako udalerrian genero berdintasunerako ekintzak garatu eta gauzatuko ditu, udalaren ekintzat helburu honetara egokituz .

Eskualde honetan emakumeen eskubideak modu sistematikoan urratzen dira, marjinalitate egoeran eta gehiegikerien aurrean babesik gabe utziz. Honelako proiektuen bitartez, medicusmundi bizkaiak eta lan egiten dugun tokiko erakundeek emakumeen behar izanei eta eskaerei erantzun multisektorial eta interisntituzional bat bilatzeko estrategiak lantzen ditugu

Hauteskunde osteko egoera gaiztotzen doa Hondurasen eta hautagaiek gerra zibilaren atarian daudela diote

Azaroaren 26an Hondurasen egin ziren hauteskunde presidentzialen osteko zenbaketa prozesuan eman ziren irregulartasunek herrialdea krisi politiko baten murgildu dute; ordutik egon den errepresioak gutxienez 20 hildako eragin ditu eta egoera konpontzetik urrun dagoela ematen du. Hauteskunde Auzitegi Gorenak Hernandez presidentea bere postuan berretsi  zuen, baina oposizioak iruzurra salatu zuen eta Amerikako Estatuen Erakundeak (OEA) emaitzen ziurtasun falta dela eta hauteskundeak berriro ospatzeko eskaera egin du.

Modu baketsuan ospatu ziren hauteskundeak ospatu eta  10 ordura, %57a zenbatua zegoenean, Hauteskunde Auzitegi Gorenak Aliantzako hautagaia, Salvador Nasralla, bost puntuko aldearekin irabazlea zela adierazi zuen. Hala ere, emaitza hauek kaleratu aurretik, bai alderdi Nazional Kontserbadoreko Juan Orlando Hernandezek eta baita Diktaduraren Aurkako Aliantzako Nasrallak bere burua irabazle aldarrikatu zuten, herritarren artean nahasmena sortuz.

Hurrengo orduetan landa inguruetako botoak falta zirela arbuiatuta, eta hauteskunde sistemaren irregulartasun askoren artean, auzitegiak lehendik boterean zegoen alderdi Nazionalari eman zion garaipena, %2ko botoen aldearekin.

Momentu horretatik aurrera protestak herrialde osotik hedatu ziren, toki batzuetan modu bortitzean. Gobernuaren errepresioa ere parekoa izan da 20 hildako baino gehiago eraginez, eta bertan izan diren ikuskariek giza eskubideen urraketak egon direla adierazi dute. Abenduko lehen hamar egunetan etxeratze-agindua ere egon zen, muturreko egoera honi erantzuna emateko.

Nasralla 2009an estatu kolpe baten bidez boteretik kendu zuten Manuel Zelaya presidente ordeak babesten duen hautagaiak, Estatu Batuetatik Honduras gerra zibilaren atarian zegoela adierazi zuen, eta nazioarteari eskatu bere inplikazioa eskatu dio.

medicusmundi bizkaiak Karibeko herrialdean garatzen dituen proiektuak geldituta daude edo normala den erritmoa baino motelagoa dutela adierazi du Angel Maria Sorto ordezkariak. Mobilizazioek ia herrialde osoa eten dute eta osasungintzako langile batzuekin aurreikusi tako ekintzak eta komunitateekin zituzten prestakuntzak bertan behera utzi behar izan dituztela dio.

Bestalde Intibucan Iurretako udaletxearekin adostutako proiektua arazorik gabe hasi dela dio, zonalde honetan ez delako hainbeste liskar egon; baina Tegucigalpa hiriburura heltzea ezinezkoa dela azaldu du Sortok.

Orokorrean herrialdean egoera nahasia dela dio, arpilatzeen ondorioz banku asko itxi egin dituzte eta administrazio publikoak ez du funtzionatzen, ez dagoelako argi nortzuk diren orain agintean daudenak. Epe laburrean gertatuko dena ere ez dago argi, beraz momentuz egoerak nahasita jarraitzen du eta herrialdea ia guztiz geldituta dago momentu honetan.

Egoera nahasia Honduraseko hauteskundeen ostean

Azaroaren 26an Hondurasen hauteskundeak egin zituzten presidente berria haukeratzeko, baina emaitzetan bi alderdi nagusien arteko aldea oso txikia izan zen, orain presidentea den Hernandez eta Nasralla hautagai nagusiaren arteko aldea %1eko da, 3.000 boto inguru. Oposizioak ez ditu emaitzak ontzat jo eta Zelaya 2009an boteretik kendu zuen alderdiak iruzurra egin duela adierazi dute.

Hauteskundeak igandean ospatu ziren arren, iluntzean botoak zenbatzeari utzi zioten, informazio arazoak zirela medio, eta 36 ordu beranduago, asteartean jakin zen zenbaketaren 100%. Emaitzek Juan Orlando Hernandez presidenteari ematen zioten garaipena, baina igandeko behin behineko emaitzen arabera Nasralla ari zen irabazten.

Nasralla zentro eta ezkerreko hautagaiak ez ditu emaitzak onartzen eta iruzurra egon dela adierazi du, irabazlea bera dela aldarrikatuz eta bere jarraitzaileei kalera irteteko deia egin die. Orain arte liskarrek hiru hildako eragin dituzte eta egoera konpontzetik urrun dagoela ematen du.

Telebistako aurkezlea ere den Nasrallak emaitzak salatu eta iruzurra egon dela adierazi du, eta bertan ikuskari izan diren erakundeei ikertzeko eskatu die.

 

 

Honduras eta El Salvadorreko osasun sistemak eta sarbideak

Munduko herrialde ezberdinetan dauden osasun sistemak eta herritarrek hauetara duten sarbidea ikustaraziko duen dokumentala filmatzeko, medicusmundi bizkaia Ertamerikan izan da. Oraingo honetan taldea El Salvador eta Hondurasen egon da, bertako osasun sistemetan egiten ari diren erreformak aztertzen.

Osasun publikoaren maisutza arduradunekin elkarrizketa, Honduraseko osasun sistemaren erreformari buruzko iritzia ezagutzeko.

 

Red de Mujeres de P. Cortes erakundeko partaideekin eztabaida taldea

Herrialde hauetako egoera sozio-sanitarioa hurbiletik ezagutzeko, taldeak osasun zerbitzu eta ministerioetako langile eta ordezkariez gain, erabiltzaileak eta hango erakundeak ere elkarrizketatu ditu. Herritarren egoera eta beharrizanak azaleratzeko komunitateekin talde eztabaidak ere egin dituzte.

Herrialde hauetako osasun sistemak eraldaketa prozesuan aurkitzen dira, eta medicusmundi bizkaia osasunera sarbidea errazten duten gakoak aztertu ditu, osasun arloan dauden ezberdintasunak eta kezkak identifikatzen, eta konponbideak aztertzen.

Dokumentala otsailean egingo diren nazioarteko jardunaldietan aurkeztuko da, osasun sistema ezberdinen eta hauek dituzten arriskuak ikustaraziz.

 

 

2016eko medicusmundi bizkaiako memoria, argitaratua.

2016 urtean medicusmundi bizkaian egin dugun lanaren laburpena biltzen duen memoria aurkezten deizuegu gaur.

2016. urtea oso berezia izan da gure elkartearentzat, 50. urteurrena ospatu dugulako. Mende erdia bete dugu osasunaren aldeko eskubidea aldarrikatzen, Hegoaldean zein Iparraldean.

Orri hauetan gure lehentasunak zeintzuk diren gure lerro estrategiakoak, zein herrialdetan egiten dugun lan, eta zer nolako emaitzak ditugun zure diru eta esfortzuari esker aurkezten dizugu.

2016-ko memoria irakurri